耆願天燈

「疫情之後,您有甚麼想完成的事嗎?如果可以許願,您希望實現甚麼?」你知道長者有甚麼心願嗎?細心傾聽長者想要的願望,您會發現他們的心願很平實,亦很為人著想。他們不會異想天開,所以說出口的一字一句,都是長者內心最渴望的,同時亦是他們最真摯的祝福;甚至,在聊天的過程中,真誠地聽他們訴說自己的願望,他們已感到萬分安慰。

面對這樣容易滿足,常為他人著想的長者,我們如何忍心不去滿足他們的小小願望?請大家支持賣旗日,和耆康會一同實現他們的耆願天燈!


前往捐款

「希望中心能開設更多有關智能手機使用的課程,因為在疫情下到處都要用『安心出行』,不懂得使用的長者生活變得困難。因此,希望中心能協助這群長者。」 — 黃婆婆

「希望在中心回復正常開放的時候,可以學以至用,將所學的運用於義工服務中。」 — 鏡婆婆

「希望能更換電水壺,令生活更便利。」 — 郭伯伯

「之前參加痛症小組,膊頭雖然無咁痛,但都成日發作。希望中心繼續有物理治療師、中醫服務或其他服務可舒緩膊頭痛症。」 — 黃婆婆

「屋企潮濕又多塵,希望有部空氣淨化機或者抽濕機。」 — 羅婆婆

「希望可以有免費嘅平安鐘服務,同埋安裝閃燈門鐘,咁一個人喺屋企都安全啲,方便啲。」 — 余婆婆

「疫情之下少社區少咗支援有認知障礙症嘅先生,我想疫情快啲完,等中心可以幫輕下我,等我可以瞓好啲,有得抖下氣。」 — 吳婆婆

「希望未來再有機會同書法班導師、同學一齊舉行作品展覽。」 — 曾婆婆

「希望唔再遇到奸詐嘅人,傷害過我嘅人,希望佢改過,可以對人積存更多善心。」 — 蘭婆婆

「之前確診左,好番之後健康差左好多,企都無力。我好想可以好番好似以前咁自己照顧自己,唔使屋企人照顧我。;之前因為疫情無左份工,我想身體健康番之後,可以自力更新,唔使拎綜援。」 — 曾伯伯

「疫情打亂每人的計劃及生活節奏,有很多事情未能如期完成。我原本排左期嘅手術都要延期。祝願大家同自己身體健康,盡快得知手術嘅消息,唔使再受疫症困擾。」 — 貞婆婆

「希望其他長者都找到自己的寄託及興趣,疫情也可以不沉悶地度過。」 — 麗婆婆

「疫情下沒有來中心很長時間,因此十分掛念中心;自己的宗旨是:『能力所及都能幫忙』,希望中心有任何需要,都能找自己幫忙,亦希望能盡快回到中心繼續參與義務工作。」 — 蘇婆婆

「希望可以去沙田拜祭過身嘅丈夫。」 — 李婆婆

「雖然我依家因為病變視力愈來愈差,但後生嗰陣成日周遊列國,其實都無咩遺憾啦。就算視力唔好,我都想繼續為中心出力,幫手帶領愛笑瑜珈,等老友記笑多啲。」 — 曾婆婆

「疫情快啲完,咁我就可以喺中心同會員分享新聞,一邊學習一邊令其他老友記嘅生活更充實。」 — 潘婆婆

「經過治療,我嘅癌細胞降低左啦,希望病情唔好惡化,等我可以等到內地嘅女嚟同我團聚。」 — 羅婆婆

「我好掛住孫仔,仲有狗仔同屋企人,好想返屋企見佢哋!」 — 史伯伯

「太太患左癌症,希望太太接受治療期間順順利利,可以早日探望太太。」 — 馮伯伯

「想有部平板電腦學習,呀仔可以多啲教我點用平板電腦。」 — 秀婆婆

「一家人最緊要齊齊整整,闔家平安。」 — 彩婆婆

「疫情少咗同仔女見面,等遲啲情況好轉,想同仔女佢哋一家大細遊車河,同去唔同地方買嘢。」 — 潘婆婆

「在這一段時間都無法親身與子女及孫子見面,雖通過影片及視象通話能知悉大家的近況,但不及親身見面。因此,期望能與家人再次面對面相聚。」 — 麗婆婆

「希望盡快通關,內地的仔女可以到香港居住,陪我度過晚年。」 — 琴婆婆

「先生足患好痛苦,我要盡力照顧佢,希望自己可以身體健康,有精神同心力繼續俾佢留喺屋企生活。」 — 玲婆婆

「我最想自己無病無痛、屋企人都身體健康。」— 史伯伯

「希望大家身體健康!」 — 球伯伯

「院友、家人同自己都要身體健康,可以自己照顧自己,盡量唔好麻煩人哋照顧。」 — 琼婆婆

「我想各人身體健康,家人個個都幸福快樂。」 — 雪婆婆

「希望糖尿病情唔好惡化,保持身體健康,可以繼續工作維持收入。」 — 玲婆婆

「希望自己可以維持健康、行得走得,尚可以外出逛逛看看外邊事物,亦不用憂食憂住,安安穩穩生活。」 — 蘭婆婆

「媽媽有認知障礙症同腰痛,我希望佢身體健康,唔好受咁多苦楚;我都希望自己身體健康,有足夠精神同體力繼續照顧媽媽。」 — 吳婆婆

「祝願大家身體健康。」 — 彩婆婆 / 文婆婆

「經同住的女兒確診一事,深感健康的重要性,希望家人能健康、平安,自由自在。」 — 蘇婆婆

「希望妹妹腰痛早日康復,最起碼可以痛少啲!」 — 郭伯伯

「我想自己身體健康、精神奕奕,咁細佬妹就唔使擔心我再跌倒同唔舒服。」 — 文伯伯

「疫情快啲完,等屋企人可以嚟院舍探我。」 — 桂婆婆

「希望就算屋企人移咗民,都可以同佢哋保持聯絡。佢哋去到異地,都可以過到自己想要的生活。」 — 琼婆婆

「我好掛住以前大時大節同屋企人見面食飯嘅日子,希望可以快啲同家人外出相聚食飯。」 — 玉婆婆

「上年孫仔帶埋呀仔一齊移左民,我同先生好唔慣佢哋唔喺身邊。我希望疫情可以快啲過去,等我哋可以搭飛機去探佢哋,一齊享受天倫之樂。」 — 雪婆婆

「願可早日自由乘飛機、坐郵輪去旅遊,與海外親戚朋友相聚。」 — 黃伯伯

「我希望能回鄉探親、拜祭祖先,再次看看充滿回憶的祖屋,一解思鄉之情。」 — 文婆婆

「已經3年無番鄉下,想快啲通關番去整下間屋。」 — 林伯伯

「好耐無去遊車河啦!希望快啲有得去。」 — 史伯伯

「我人生第一次住港島就係入左黎院舍,我想有機會睇下南區嘅風景,仲想去海傍睇睇碧海臨天嘅風光。」 — 霞婆婆

「最緊要身體健康、出入平安、事事順利,疫情快啲過去,可以去遊車河!」 — 小梨婆婆

「好想可以同屋企人一齊去飲茶同遊車河。」 — 桂婆婆

「希望可以同家人去旅行,四處見識下。」 — 秀婆婆

「後生時做背包客,有好多特別嘅經歷,希望以後仲有機會探索世界旅遊,不過年紀大啦,同太太參加啲輕鬆啲嘅旅程就夠啦!」 — 輝伯伯

「希望能去離島遊玩,在疫情期間,曾以為離島會少人而前往放鬆心情,但結果人群眾多而感到掃興。所以,希望待疫情緩和後,到離島遊玩。」 — 麗婆婆

「疫情完咗,如果身體許可,我想去日本。」 — 黃伯伯

「我想快啲有番集體活動,等我可以喺大廳同其他院友一齊玩、一齊做運動。」 — 金伯伯

「好掛住同其他院友一齊活動一齊玩嘅日子,希望快啲回復正常生活!」 — 球伯伯

「我希望中心服務早日回復正常,咁我可以重新積極參與活動,同埋做義工,與老友們相聚。」 — 文婆婆

「願兒子早日成婚,婚事安排順利!願天下有情人終成眷屬!」 — 黃伯伯

「希望盡快能夠恢復疫情前的生活模式,特別是做義工的服務,如探訪其他年長長者。因明白到疫情對長者的影響很大,甚至有抑鬱的傾向。因此,除了自己的生活回到正常的軌道外,亦期望所有長者如是。」麗婆婆

「希望能盡快回到中心做義工服務,因中心開放時能與朋友一同前來,一起聊天及做義工,感覺更快樂。」 — 黃婆婆

「希望疫情快點過去,可以回復以往大家歡天喜地在中心的日子,開開心心一起歡笑見面暢談和參加中心所有活動,希望願望早日達成,祝願大家天天平安,身體健康。」 — 萍婆婆

「我希望新冠病毒永遠消失在空氣中,全世界的人都平安!」 — 金伯伯

「香港疫情可以早日穩定!」 — 文婆婆

「願疫症早日消失,人人恢復正常生活。」 — 黃伯伯

「希望社會能恢復正常及唔使再戴口罩,大家都戴口罩,連個樣都見唔到,又認唔到人。」 — 葉伯伯

「希望可以醫番好骨刺,中心可以安排中醫同水療服務」 — 美婆婆

「希望疫情快啲過去,恢復番物理治療同埋運動,減輕痛症。」 — 燕婆婆

「之前中咗新冠,希望身體狀況可以快啲復元,行得好啲一點,可以自我照顧。疫情快啲過去,叫病毒快啲走。」 — 李婆婆

「最緊要家人平安、自己亦少病少痛,您哋耆康會嘅職員,都要身心自在呀!」 — 金伯伯

「我都中完又好番咯,有啲嘢要來就來啦,平常心!仲希望大家食得好、瞓得好,和氣和平!」 — 銓伯伯

「願家人、子女、親戚朋友都平安,有喜樂,開心過每一天。」 — 黃伯伯

「仔女兒孫都長大成人,我對佢哋都無咩要求,淨係希望一家人可以平平安安!」 — 鏡婆婆

「希望大家平安、身體健康!」 —李婆婆

「我住咗喺度21年,睇住好多個入嚟精精靈靈到年紀大機器壞,身體愈來愈差,都無咩嘢望咯,最緊要生活安穩,繼續開開心心喺院舍度住!」 — 光伯伯

「願長者中心、公共場所、所有學校開放,一切活動正常。」 — 黃伯伯

「希望能夠學習更多不同的事物,如:攝影,太極等,如果中心可以開辦呢啲興趣班就好啦!」 — 鏡婆婆

「生活最重要是開開心心」 — 蘇婆婆

「身體健康,百毒不侵;提早退休,享受生活。」 — 儀婆婆

「我啱啱發現患左癌症,希望唔好咁多病痛,唔使活得咁辛苦。」 — 朝伯伯

「社會少啲紛爭分歧,大家都和和氣氣!」 — 火伯伯

「疫情快點減退,世界和平!」 — 秀婆婆

「願世界和平有愛,願停止戰爭。」 — 黃伯伯

「祈求疫情儘快完結,天下太平!」 — 黃伯伯

「願身體健康、行得走得食得睡得,路路暢通,事事如意,恩典滿滿!」 — 黃伯伯

「希望疫情快過,香港早日回復繁榮,人人有工開;希望香港各人平安,生活愉快!」 — 芳婆婆

「人不要想太多,要樂觀和放鬆」 — 蘇婆婆

「疫情影響下人心惶惶,希望經濟和發展慢慢復元,大家以積極態度面對將來,不要放棄。」 — 佳伯伯

「祝各位市民安居樂業、疫情早日結束,大家身體健康。」 — 李婆婆

「疫情之後,可以去唔同地方搵好嘢食。」 — 余婆婆